Kaun Hai Wo Jo...

kaun hai wo jo rehta hai sada dil ki gehraiyo mein
swayam-prakashit hai jo andheron aur ujalon mein

soch ki soch hai jo khayalo ka khayal hai
swapnon ka swapn hai jo vishayon ka aadhar hai

hone bhar se jiske hota hai sabka bharan-poshan
charachar srishti hai jiska anant aangan

jab faasla usse hai tinke bhar ka bhi nahi
ojhal hai kyu phir wo, nazar aata kyu nahi?

khatam hoga silsila in saanso ka jis pal
samajh jau ye paheli mai shayad usi pal